نعي بصوت. مسلم المطيري

يهلال الحزن هليت بالعبره

كلمات الشاعر
عباس مالك العفريت

( لمسلم وِلد )


الـمـسـلـم وِلــد  **   مــثـــل الـورد
يــــوم الاجــت  **  خـيــل الـحقـد

فرّوا لـچـن ما يدرون ويـن الـوجـه ينطونـه

                                   *---------------*---------------*

يـوم الاجـتـهـم لـلـخـيـم خـيّـالـه
ركـضـوا سـويـه والـدمـع يـتـلالـه
ايشيّب دلـيـلـه الـصـوراهـه ابـالـه

خـوف ورعـب   نــار وحــرب
هــذا الـمــفــر    كـلـش صعب

حالتهم بهذا الحال وبس الدمع يجرونه

                                   *---------------*---------------*

انعدمت ابگلب الاعـادي الشيـمـه
رعـبوهـم وطـلـعـو لـعـد الـهيـمـه
ألـهـم دمـعـنـه والـعـزاء انـقـيـمـه

الـدگ الـصـدر   مـاكـو عـذر
ألــهــم نـضــل   نـحـّي الامـر

الماعدهم ابگدنه اجروح اعله البچي ايلومونه

                                   *---------------*---------------*

اتـخـيـل اشلون الـغـرب والـصـوره
جــار الـزمـان ويـفــتــر ابـنـاعـوره
خـلـه الـيـتـامـه بـالـفـلـه مـذعـوره

مـــن الـــزمــن   شـافـوا مـحـن
اخـيـول الـعـده   لــمــن اجـــن

اشحال الطفل بالميدان ايخاف العده ايدوسونه

                                   *---------------*---------------*

اتـحـمـلـوا خـوف وظـلام الـغـربــه
حـالـتـهـم اتأذي الـغـيـور وصـعـبـه
مالـومـن لـلـيسـعـر عـلـيـهـم گـلـبـه

كـلــهـــم ألــم    ابـحـرگ الـخـيـم
ركضـوا ركـض   حـافـي الــجــدم

الهجمت عَليه الصوبين المن يدير اعيونه

                                  *---------------*---------------*

قصتهم اتـخلـي الـمـحـب بـهـمـومـه
بالـحـومـه ما بيـن الـعـده بالحـومـه
ابذيچ الضهيره القاسيّـه الـميشومـه

ابسـيـل الـدمـع    اصـعـب وضـع
مـاضــل امـــل    طــش الـجـمـع

نبقه ابحزنهم للموت ابدگ الصدر خلونه

                                   *---------------*---------------*

يـاهـو اليردهـم والـمـديـنـه ابـعـيـده
ومسراهـم ابـدرب الخـطـر والـبـيـده
غـربـه ويـتـامـه هالجـرح شـيـفـيـده

دمــع الـحــزن     فـوگ الـجـفـن
صـار الـزمـن      مـثـل الـسـجـن

ابگلب اليتامه المجروح نار الغرب مكنونه

                                   *---------------*---------------*

✍خادم اولاد مسلم (ع)
الشاعر رعد الجريخي

بصوت. مسلم المطيري

لمسلم ولد


كلمات الشاعر
رعد الچريخي

بصوت. مسلم المطيري

يعباس يعباس.
يبني شيل الرايه

كلمات الشاعر
مرتضى مكطوف الموالي

نزله لاستقبال شهر محرم الحرام

محرم     هيجيت احزاني
محرم    خدمتك عنواني
-------------------
اه ياشهر المصيبه شلون نحمل هل الشهر
بيك اهات وبواجي زينب اتشوف القهر
زينب الحره وحيدة حسين محزوز النحر
وراح كفال  الظعون هناك طايح على النهر

محرم    بيك يحجي لساني
محرم    خدمتك عنواني
-------------------

حسين ماخذ كل كياني  شلون عنه ابتعد
واني ليام الخدامه بكل جهودي مســــتعد
بنص ظميري حسين عايش خدمته مثل الورد
فاتــح ابواب الحــوائج حـتى من اذنب ارد

محرم    عايش بوجداني
محرم   خدمتك عنواني

-------------------------
امنياتي  عمري يخلص خادم لخدامه
ني لو كل عمري الطم مااملها ايامه 
والله لو مسموح شرعآ اله اطرالهامه
حسين اريدك تضكر اسمي وي هل لطامه


محرم     حزنك لأذاني
محرم خدمتك عنواني
-----------------------------------
خادم بكل المجالس يكضي يامحله العمر
عايش بروحي محرم والكلب مثل الجمر
حسين ماينسه اليخدمه  هناك بيام الكــبر
مانمل ايام شهرك مايمل حتى الصـــــــبر

محرم.    على الدرب دلاني
محرم.      خدمتك عنواني

-------------------------------
العايش بروحي احسه عني ميبعدوني
بعالي صوتي انكول خادم خلهم يعيروني
وخلها تسمع هل الشماته انه تبجي عيوني
انه حيل حسين احبه  ليش ميـــــفهوني

محرم    حزنك اللاكاني

محرم   خدمتك عنواني

----------------------------------------
كلمات
الجحيشي
                محرم 1444هـ
                    2024م

بصوت. مسلم المطيري

محرم. هيجت احزاني

كلمات الشاعر
حسن الجحيشي

مــن هـالـسـفــر يـا سـتـار
گـلبـي التهب مـثـل الـنـار

وحـدي الأهـل خـلـونـي
وحـدي الأهـل خـلـونـي

*-------------------------*--------------------*

چـنـي شـمـعـه بعيني دمـعـه مـن جـفـاهـم
هذا وضـعـي وحـدي ودعي اشـگـد وراهـم
اغـفـه وانـسـه اتـمـنـه هـسـه بطيف اراهـم
بلكلي سَـفـره وگلبي اجِـبـره بـشـم هواهـم

اشـگـد دعـيـت الـمـعـبـود
يـرجـع شـمـلـهـم ويـعـود

*------------------------*----------------------*

اعلـه الحبايب حيلي ذايب صـعبـه وحدي
الفرگه تـكـتـل دمـعـه تـنـزل دمـعـه تـبـدي
صعبـه صعبـه كلشي غـربـه وجرحي يـدّي
عـمـري احلـم اهـلـي تـلـتـم حـلـمـي وردي

بـيـت الأسـكـنـه يـابـيـت
اجـري الـمـدامـع ضـليـت

*-------------------------*-----------------------*

الـراحوا اهـلـه ألـهـم يكتلـه ويـبـقـه حـايـر
اعـلـه المنيه اعـلـه الـرزيـه الـحـادي سـايـر
ادعـي يـارب مـوتي گـرّب شـنـهـي صـايــر
بــس عـلــيّــه هـم وأذيّــه دهــري جــايــر

يـايـوم اصـدهـم يـايـوم
الـفرگـه ترستني اهـمـوم

*-------------------------*-------------------*

لـيـش اعـانـي مــن زمـانـي ربــي ردهـم
عمري عفته وموتي شـفتـه مـن بُـعـدهـم
گـوه اصـبـر وانـي اشـعـر روحـي عـدهـم
الدنيا كلهه خلگي ملـهـه يـمـتـه اصـدهـم

خـلـوني اعَيشـن بالـنـوح
يغفه الجفن مـا مسـمـوح

*--------------------------*-------------------*

ادياري ظـلـمـه ليلي ظـلـمـه كلشي ظـلـمـه
اتمنه اسمـع اهلي تـرجـع وحـزنـي أكـظـمـه
بروحي غيمه دمـعـي اديـمـه والله هـظـمـه
انـسـه حالي ايردلي غـالـي بـگـلبـي اظـمـه

هـيـچ الـعـمـر مـايـراد
اتعذبت واهلي ابـعـاد

*-------------------------*---------------------*

مـاكـو راحـه بـس مـنـاحـه عـمـري عـشـتـه
ادري مـوحـل صـبري وَشّـل مـوتـي شـفـتـه
بـت مــحــمــد لـيـلـي يـشـهــد گـوه نـمـتـه
بـكـل جروحي ويّـه روحي احچي سـكـتـه

ارجـع واكـولـن مـكـتـوب
الهذا الجره مامـحـسـوب

*---------------------------*-----------------------*


خادم العليله  (ع)
✍الشاعر رعد الجريخي

بصوت. مسلم المطيري

من هالسفر ياستار

كلمات الشاعر
رعد الچريخي

رئيسية للعليلة عليها السلام 2024
يحادي النوگ تانيني
اروح وياك خلّيني
تسافر وين
يبويه حسين
اروح وياك خلّيني
٠٠٠٠٠٠٠٠٠٠٠٠٠٠٠٠٠٠٠
عليله وگلبي ما يحمل ألم فرگاك
خذت كل اهلي وخواني وخواتي وياك
عجب تتركني بجروحي وعذاب اجفاك
أخذني وحتّى لو اقبل  اموت هناك
اموت ولا اضل وحدي
يبويه وغيرك اشعندي
ينور العين
يبويه حسين
اروح وياك خلّيني
٠٠٠٠٠٠٠٠٠٠٠٠٠٠٠٠٠٠٠٠٠
عجب تكدر تفارگني ينبض الروح
مشيت وماگلت طفله تون وتنوح
ولو بس گلي حاچيني لوين تروح
اذا للطف يبويه ارجع قتل وجروح
اخاف عليك من دهري
يغدرك يا شمس عمري
مسيرك وين
يبويه حسين
اروح وياك خلّيني
٠٠٠٠٠٠٠٠٠٠٠٠٠٠٠٠٠٠٠٠
عفتني بدارك الظلمه وحزن بلواي
عليله ولافكر عندي ولا ظل راي
شبگت هدومك الحلوه وبچيت هواي
وحيده بلا أهل طفله. شتگول بهاي
چنت انت التواسيني
بغيابك من يباريني
خذاك البين
يبويه حسين
اروح وياك خلّيني
٠٠٠٠٠٠٠٠٠٠٠٠٠٠٠٠٠٠٠
بقيت اتنطّر بدربك ترد للبيت 
عزيزة گلبك وروحك ألك حنّيت
كمت صبح ومسه ادعي وكتب ودّيت
ولا مرسال رد منك ولا ردّيت
دعيت وگلبي يلچمني
تعــــــــال ولا تيتّمني
يتاج الدين
يبويه حسين
اروح وياك خلّيني
٠٠٠٠٠٠٠٠٠٠٠٠٠٠٠٠٠٠٠٠
طبع عدوانك اعرفهم تره يغدرون
تبايع آل اميه بلا شرط يردون
وعرفك بويه ما تخضع لِبِن ملعون
تموت عله الكرامة ولا تذل يدرون
اعرفك وارث المرسل
ابــد بالـذلّه ما تقبــل
اعرفك زين
يبويه حسين
اروح وياك خلّيني
٠٠٠٠٠٠٠٠٠٠٠٠٠٠٠٠٠٠٠٠٠
بحلم شفتك يبواليمه نحر مگطوع
وشفت راسك يوالينه برمح مرفوع
اكعدت لن اسمع الناعي يون مفجوع
ابن حذلم ينادينه ويصب دموع
يصيح ويسچب العبره
ابواليمه انگطع نحره
بلايه امعين
يبويه حسين
اروح وياك خلّيني

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

بصوت. مسلم المطيري

يحادي النوگ تانيني
اروح وياك خليني

كلمات الشاعر
سيد زيد الفحام

يحسين الحزن بالروح مثل النار
هيج عليك صاير والدمع مدرار
***
يحسين ومصابك حصره البكلبي
كل مايجي يومك زاد الك دمعي
ادعي امن الله من حبك ليحرمني
شفت حبك كرامه والله كرمني
ومن يكبل شهر عاشور جن خطار
***
شفت الخير منك وانه الك ممنون
يالشلتك ابكلبي واصبحت مجنون
عشكتك والعشك بله يعيش اشلون
لان حبك ابكلبي خالد ومرهون
ويالحبك عجز عن وصفه كل محتار
**
يحسين ابغيابك حركو الخيمات
ويا حال العقيله وكثرة الشمات
من صاحو يزينب وينه اخيج مات
وكفيلج بالعمد ضربوه بالهامات
ولاناصر بكه وبكلبي بس النار
***
شوصف كربله والصار الك بيها
ومن ياسطر ابديها ونهيها
وراية كربله الي راح راعيها
وهاي اخت الكمر ذباحه يسبيها
امنذكر كربله حگه الدليل احتار
***
جمر امصيبتك يحسين مايطفه
عيون لخدمتك مخلوقه ماتغفه
خليني بعزائك اشتعل لهفه
اه يحسين ومصابه وحزن طفه

خلني اشتم عزائك وين مااندار
***

الشاعر حسين عبد الحريشاوي

بصوت. مسلم المطيري

يحسين الحزن بالروح مثل النار

كلمات الشاعر
حسين عبد الحريشاوي

18 يونيو 2024, 10:46 PM



رافع ايدي بدعاء * ستقبلني كربلاء





استقبلي انصار الحسين الكلها غيره
ذوله واحدهم صدگ يسوه العشيره
كل فرد منهم اجه وماعنده حيره
ويه ابو اليمه السبط رابط مصيره

ارخصوا لجله الدماء ستقبلني كربلاء




حضروا يمك كلهم ورهن الاشارة
الما يموت وياك هاي اكبر خسارة
ذوله انصارك يبو اليمه الغياره
التجارة وياك هاي احسن تجارة

ذوله همه النجباء. ستقبلني كربلاء





زلم كل واحد المنهم بيك مجنون
ذوله ابوكت الحرايب صعبة يجفون
بكربلاء اصرخوا صرخة هزت الكون
وي ابو اليمه بطفوفه الموت يردون


يالكشفت انت البلاء. ستقبلني كربلاء





كلشي قدمنه الك يا اغله انسان
واليقدم حياته موش خسران
خل تدوس صدورنه هالخيل ميدان
ولاتظل بين العده يحسين عطشان


انت للعطشان ماء. ستقبلني كربلاء


محبتك خلتني انه رافع الراس
جيت الملهوف اجيتك شوف الاحساس
من حبيب الغيرة عندي واسمك انفاس
انا احبك ياحبيبي وتعرف الناس

ابعيلتك شفت البلاء٠٠٠ سقبلني كربلاء



الشاعر حسين عبد الحريشاوي

بصوت. مسلم المطيري

رافع ايدي بالدعاء

كلمات الشاعر
حسين عبد الحريشاوي

الحن الثاني. بصوت. مسلم المطيري

رافع ايدي بالدعاء

كلمات الشاعر
حسين عبد الحريشاوي

بصوت. مسلم المطيري

حب عالفطره

كلمات الشاعر
علي محسن الفرطوسي

اشجاب المشرعة اعليه** ابجي وعيني معميه
رايح انته للماي *** رد سالم يوفاي
وتنطر الك جيه
***
ودعتك وادري بعد ماترجع النه
كسرت ظهر ياكافلي يابو المحنه
و بروحتك يابو الفضل من يفزع النه
وسهم اليصيبك يالاخو بكليبي جنه

رايح بس منو ليه ** عكبك امشي مسبيه
خويه شلنه بالماي** بس ارجع يوفاي
وتنطر الك جيه
***
تدري البعد يابن علي ماينحمل حيل
بس ابمناحه وبجي نكضيهه وعويل
عكبك يخويه جم طفل ضيعنه بالليل
ودرب اليسر ياكافلي ماخله كل حيل

عله ابكلبي مخفيه** بفراك الاخو ليه
منهو الباقي وياي** بس ارجع يوفاي
وتنطر الك جيه
***
حركو خيم لمن طحت وتصيح الايتام
الحك علينه يالكمر حاطونه ضلام
ظلمونه كوم اهل الكفر وظلمتنه الايام
نشكي لمحمد هالضلم من الكالو اسلام
ظلم اهل الكفر ليه* وجارت دنيتي اعليه
هونج دنيه وياي** بس ارجع يوفاي
**

راس الحسين اعله الرمح ويرتل ايات
وراسك يخويه بجانبه واسمعله ونات
من ننضرب خويه الكمرتبجي السماوات
بس مانطخ راس وابد للذله هيهات

الله يصبر اعليه** ابجفاك اكلوب مدميه
ظلك راح وياي** بس ارجع يوفاي
*
الشاعر حسين عبد الحريشاوي

بصوت. مسلم المطيري

شجاب المشرعة عليه

كلمات الشاعر
حسين عبد الحريشاوي